►Бірінші қабат

«Қазақстан Республикасы мемлекеттілігінің негізін қалаушы Н.Назарбаев» залының экспозициясы Қазақстан Республикасының Президенті Нұрсұлтан Әбішұлы Назарбаевтың тәуелсіз, егеменді, демократиялық мемлекет – Қазақстан Республикасының көпұлтты және көпдінді халқының тұтастығы мен бірлігін қалыптастырудағы рөлін көрсетуге арналған.

Экспозиция төрт негізгі бөлімнен тұрады:
● Н. Назарбаев – Қазақстан Республикасы мемлекеттілігінің негізін қалаушы;
● Ұлт және Н.Назарбаев;
● Н. Назарбаев – реформатор;
● Н. Назарбаев – әлемдік деңгейдегі көшбасшы.

Залдың 14 негізгі тіреуші бағаналарында Президент Н.Назарбаев қол қойған тарихи маңызы бар құжаттар орналасқан. Залдың қабырғаларын бойлай орналасқан 16 витринада Елбасы Н.Назарбаевтың көпқырлы саяси қызметін жарқын әрі көрнекі көрсететін материалдар орын алған.
Залдың сол жақ бетінде орналастырылған Мемлекеттік нышандар – Қазақстан Республикасының Туы, Елтаңбасы және Әнұраны залдың бет ажарын аша түседі.
Залдың оң жақ бетінде Ақорда мен Бәйтеректің макеттері қойылған.
Әлем басшылары мен шетел делегацияларының Елбасы Нұрсұлтан Әбішұлына тарту еткен сыйлықтары да осы залға қойылған.

► Этнография залы
► «Қасиет» залы